"ميثاق دخول النت" وباب النقاش مفتوح

من طرف **b7ar** الإثنين 11 أغسطس - 19:00

الموضوع اسمه غريب و مضمونه اغرب يمكن الاقى بسببه هجوم شرس من ناس كتير لكن انا باطرحه للمناقشه
الموضوع ببساطه هوه دخول البنت المصريه او العربيه الى النت طبعا كل الاعضاء هنا بيعملوا شات وبيتكلمواعالنت
البنت العربيه عالنت تعتبر شبح او هى ترد ان تعيش فى شخصيه الشبح تعرف كل شيء عن اللى بتكلمه وفى نفس الوقت لازم هوه مش يعرف عنها شيء وتجد ان 99% من البنات العربيات والمصريات عالنت لهم نفس الردود ونفس وجهات النظر
وانا طبعا ضد هذا الكلام لان النت ليس شبحا انه مكان كباقى الاماكن كالدراسه العمل الجامعه الجيران هما دول الناس اللى عالنت جارك زميلك قريبك ولا فى ناس غيرنا فى الكون؟؟؟؟؟

ميثاق دخول البنت العربيه للنت

1-يمنع منعا باتاً على اى فتاه وضع صورتها على النت وان امكن فضعى صورة فنانه او مغنيه وقولى انا شبه دى

2/سيطلب منك بيناتك اسمك سنك مكان سكنك اياكى ان تقولي عن ايهما لالالالالالالا الفى اى حاجه وفى البدايه لازم تعرفى هوه منين احسن يطلع جارك تبقى ميبه يقولوا عليكى ايه بتقعدى عالنت لالالالا مش يصح
3/ممنوع التحدث بالمايك مع اى شاب مش تعرفيه هيقول عليكى مش كويسه ومتساهله و هيظن فيكى ظن السوء
4/من الكبائر عالنت فتح الكاميرا اياكى بيها كدة تبقى عملتى ذنب لايغتفر وادينا حذرنا اهوه
5/اى شاب يحاول يهزر معاكى من اول محادثة ارفضى واديله كلمتين جامدين وحبذا لو عملتى اوف لاين وتسبيه يتحايل عليكى شويه وبعدها افتحى تانى كدة هيعررف انك بنت مش سهله وبعد كدة لما يهزر اضحكوا مش مهم
6/لو اتجنن فى عاقله وقال عاوز اشفك ودة طبعا بعد كام شهر من انكم بتتكلموا واتاكد انك بتثقى فيه خلى ليلته سودا و من المحتمل كمان اقفلى واعملى له بلوك او اوفلاين لمدة اسبوع لغايه لما يعض انامل الندم ومش تنزلى تقابليه غير لما تكونى انتى صاحبه القرار
7/ممكن بعد كاام شهر من العلاقة والصداقة تقولى له على اى معلومات تكونى الفتيها قبل كدة مش مهم دلوقتى انتى اتاكدتى انه بعيد عن منطقة سكنك
8/الشباب عالنت ذئاب بشؤيه بدون تفكير كلهم سواء مش تآمنى لاى حد دةاحنا فى مجتمع شرقى متخلف ولازم نمشي زى ما هوه عاوزنا نمشي
9/لو زاد فى الالحاح عليكى باى شيء اسأليه سؤال واحد هيسكت زى اللى فى رجله
"ترضى على اختك انها تكلم واحد عالنت او توريه صورتها او تعمل زى ما انا باعمل" هتلاقيه سكت و اتلبخ
وبكدة نكون انتصرنا قعدتى عالنت استمتعتى بوقتك و هما اتحرق دمهم

وبتهيقلى كفايه كدة احسن تكون دى نهايتى
وعلى فكرة النقاط دى كلها من واقع مدة 7 سنين على النت ومعاملات لم تنتهى مع نوعيات كتير جدا جدا
وانا قلت 99% من البنات يعنى مش كلهم و يلا ورونا الهجوم الشرس والقتال الدائم
و لما النت بالنسبه ليكم عبارة عن حرب داخلنا يبقى ليه بتدخلوه حاولوا تعيشوا الحياه زى ما هي الحياه بقت احسن واحلى صحيح فى ناس مش كويسه بس سهل عليكم كشفهم وازاى تكونوا بالتناقض دة واحد تقولى له باثق فيك وانتا احسن انسان قابلته صادق ووفى و فعلا نعم الصديق ودة يكون رد فعلك
انا كدة خلصت ومستنيكم

موضوعك جامد جدا واكيد هتلاقي هجوم شرس من ناس كتير
الموضوع ده حقيقي انتشر بشكل كبير
هاتكلم بصراحة تامة عن نفسي وبشكل عام
بالبداية كنت اشوف النت شبح وكله غلط ومع الأيام اتثبتلي انو فيه أشياء حلوة وممكن أقابل فيه ناس صادقين وكويسين مش ممكن أقابلهم برا النت
وبرضه نسبة السيئين عالنت أعلى بكتير وانت عارف ده
بصراحة ما اعرفش ليه كنت بشوف النت سيء جايز من كلام الناس والمواقف اللي بمر فيها واللي بسمع عنها وبقرأها
ومع اني بقيت اشوفه حلو الناس ما اتغيروا بيشوفه شبح وغلط والبنت اللي بتقعد عالنت مش محترمة خاااااالص ومش متربية
مش عارفة ليه برأيهم النت شبح والكلية مش شبح انها تخرج من البيت مش شبح؟؟؟؟ كلنا عارفين ايه اللي ممكن يحصل سواء بالكلية او مكان العمل او اي مكان تاني ممكن تكون فيه البنت مع مجموعة من الأصحاب
مش هنقدر نغير عقول الناس يا تايجر احنا نقدر نفهم الأجيال اللي جاية النت هو ايه
انا معاك يا تا يجر بكل كلمة قلتها وحقيقي موضوعك يستحق المناقشة بس خد بالك اوي احسن يجرالك حاجة
معلش اتكلمت كتير استحملوني بقى

من طرف **b7ar** الإثنين 11 أغسطس - 22:41

نورتى الموضوع يا بوسي والله كلامك كلام واعى جدا جدا
وانا معاكى فى ناس كتير مش كويسه بس من السهل اكتشافهم وزى ما فى ذئاب من الشباب فى ذئبات من الفتيات وكلامى عن تجارب وكلها ليا انا مش حد حكاها ليا
يعنى زى ما في ولد وحش فى بنت وحشه بس طول ما تفكيرك سليم وقلبك صافى وجى النت للاستفادة الطريق ادامك هينور وهتعرف الوحش من الحلو
مش بقول لكل بنت دخلت النت وزعى صورك وسجلى سي دي بصوتك و اعملى عرض كام مباشر لكل شخص
لكن لماذا نعتبر انفسنا امام شبح رغم تاكدك من ان الشخص الذى تتحدثى معه بقدر من الاحترام والثقه لدرجة انك قلتيها له
قلتى له "انتا صادق وأهل للثقه" فهل انتى من النوع اللى يقول شيء ويعمل غيره؟
عاوزين واقفه مع انفسنا ولنحطم قيود التخلف عن الركب الحضارى ولننطلق لعالمنا الذى نحياه

من طرف Memaya الإثنين 11 أغسطس - 22:58

كلام جميل جداً سواء كلامك يا ميدو أو كلامك يا بوسى

و طبعا عندكوا حق فى كل كلمه قولتوها

و أنا مش عارفه أقول إيه بعد كلامكوا

بس عندكوا حق و كلامكوا صح جداً

و ميرسى ميدو على الموضوع الهايل ده

من طرف **b7ar** الثلاثاء 12 أغسطس - 2:51

نورتى الموضوع
بس السؤال يا ترى مين منكم من انصار هذا الميثاق؟
ومين ضدده
ولو اضافتى له بنود هتكون ايه

[b]بجد متشكره جداااااااااااااااااا
لطرح متل هذا الموضوع
بس بجد انا الموضوع ده جعلني
في حيره اكتر مما كنت
علي العموم مكنش ينفع اقرا ومعلقش

لانه جامد جداااااااااا
مشكور علي نصائحك
وبانتظار الجديد من الموضيع الجميله

من طرف زائر الأربعاء 13 أغسطس - 17:40

نفس القصه والله
يأخ تايجر
ايام ماكنت بشيت على icq وده فى اولى ثانوى
اصل احنا جبنا كمبيوتر عقبال عندك من السنه دى
كنت بشيت مع اجانب فى البداييه وده عشان اعرفهم ببلدى واعرف حضارات بلادهم
وعمرى والله ماشوفت منهم حاجه وحشه
المصرين بأه
يالهوااااااااااااااااااااااااااااااااااااااى نهار اسود ومنيل
والله 85% زبااااااااااااااااالا
اسفه فى التعبير
بس هما كده فعلا ومش ذئاب وبس
بيعانوا من starvation فظيع
بس منكرشى ان فى ناس برضوا محترمه
وشباب زى العسل والله ويفرحوا
وعلى فكره انا حصلتلى مع بنت تانيه
ومن كلامها عرفت انها داخله النت عشان حاجات تانيه بعيده عن الدين والاحترام خااااااااااالص
وشكرااااااا للطرح المتميز

من طرف **b7ar** الأربعاء 13 أغسطس - 18:08

انا فعلا مبسوط لكلامك ووعيك الرائع دة
وفعلا الاجانب ما شاء الله عندهم فعلا من الاحترام والتبادل الثقافى و حب المعرفة
ومعرفه معنى الثقاافة الصيح ما يزيد عن المصريين بملايين المرات
وفعلا كل ما يقال عنهم ظلم ظلم ظلم
دول والله ناس على اخلاق يفتقدها الكثير من المسلمين انفسهم مش هاقول العرب او المصريين
مشكور على تواجدك

مش هاكون ضد ولا هاكون مع
زي ما العرب فيهم الكويس والمحترم وفيهم اللي مش محترم
برضه الأجانب فيهم كدة وفيهم كدة مش كلهم كويسين زي ما بتقولوا
ده انتوا كدة بقيتوا ضد العرب تماما
في من كل الطباع وبكل مكان عربي او أجنبي
انا مش ضدكم بس لازم نقول انو في من كل الأنوااااااع
وانا قلت من البداية اني معاك بكل كلمة واللي كتبته حقيقي بيحصل

تمام بوسي و منورانى كتير
فى انتظار باقى الاراء

"ميثاق دخول النت" وباب النقاش مفتوح

"ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح

رد: "ميثاق دخول النت" وباب النقاش مفتوح