شله بنات

كنا شله بنات
وكنا بنرغي كالعاده
وبندا بجيب في سيرة الناس
المهم علي ماطولش عليكو
دخلنا في سيرة الجواز
واكتشفنا فجاءه انو كلنا 25 وطالع
واننا ناس عاديين جدا واننا طلباتنا عاديه
واهلينا عاديينكل طلباتنا في جملتين واحد محترم
يفمني ويحترمني
اكتشفنا كلنا اننا مفيش واحده ارتبطت رسمي(والله موش عوانس)
بس لقينا اغلبيه الناس الي بتتجوز
سوري مع احترمي لكل الناس هنا
التفاهين علشان ايه موش تفهم
مثلا
واحدمن اصحابنا من الشله يعني
كان عاوز يتجوز صحابتنا
الشباب قالوا لا شخصيتها قويه
وفاهمه كل حاجه وبتشتغل
وهتتعبك
دورك ليك علي واحده لسه بتدرس
من الي دماغها في الموضه
انا عارفه انا في ناس غير بس قليل
حتي اخواتي لما جم يتجوز
جابوا ناس منالبلد علشان كدا ودلوقت الفلاحين كلهم متعلمين
موش زي مانتو فاهمين
بس علشان مالتربيه هناك كدا الراجل هو الكل في الكل
ايه رايكو
ااتمني تشركوني الراىء يمكن غلطانه

امير الحب
انت ممكن تكون قريت الموضوع بسرعه
انا جبت اخوتي مثال
وصحابنا برضه
واصحاب اخواتي عجبتهم الفكرة
يعني انا قولت مثل موش هما الموضوع
شكرا لمرورك ولمشركتك

انا فاهم والله وانا رديت بردو على المثال الانتى كتبتيه وابديت براى على كلا الموضوع بجد كويس تسلم ايدك :peace:

مرسي ا اميرالحب علي المشاركه
المهم انت من انهو نوع
ليه موش قلت

اولا احب اقول ان دة موضوع مميز و جميل
و رأيي فيه بيتقسم لجزئين فى الاول
اولا بنات الريف كتير مننا معتقد ان بنت الريف هى البنت اللى بتمثلها الافلام و المسلسلات انها اللى تتكسسف و تبص فى الارض و تكون طوع لزوجها يمين يبقى يمين شمال يكون شمال بالعكس معظم بنات الريف متمردين عالنقطه دى و خصوصا بعد غزو التلفيزيون و وصلات الدش اللى مش سايبه كبيرة و لا صغيرة فكتير منهم راحوا يقلدوا مجرد تقليد اعمى فولا عرفوا يوصلوا لبنات المدن و لا حافظوا على اطارهم الريفي
اصبحوا بين الاتنين بس برضه اكيد فى لسه زى ما هما .

ثانيا بنات المدينه بنت المدينة بنت تختلف قلبا وقالبا عن بنت الريف دة نتيجة لظروف البيئه من حيث البس المظهر الاهتمام بالنفس و هكذا و مش معنى كدة انها ماتصلحش زوجه او انها دلوعه لالا كتير منهم فعلا قمة فى كل شئ ادب و تقاليد و احترام و كله بس برضه فى منهم اخدهم و جرفهم تيار المدينه يعنى برضه مش هنعمم

نيجى للشباب بقى انا فى اعتقادى ان الشاب اللى عاوز يتجوز واحده علشان يرميها فى البيت تاكل وتشرب و تخلف له فى عيال يبقى مكانه مش هنا مكانه فى القرن قبل الماضى لازم تحسس البت بكيانها و ادميتها هتديك كل اللى انتا عاوزه و اكتر مش هتفرق بنت مدينه ولا بنت ريفيه المهم اللى تفهم طباعك و تكون ليها نفس اسلوبك 
ولازم تدورو تدور الدهب مش بيلاقوه على وش الارض الدهب لا يمكن يكون ظاهر

دة رأيي 
واسف للاطاله

تايجرمرسي علي المروروعلي رايك الكريم
انا يمكن اكون اكتر واحده عارفه
انو البنت الفلاحه موش زي الصورة الي بيتجي في التلفزيون
موش فاهمه حاجه لا هي متعلمه
وتعليم عالي كمان انا اهلي كلهم هناك
فيه مسابقه في التعليم خاصه بين البنات وبنت خالتي كانت في المدينه الجامعيه في القاهرة وخالتي موش رديت انه تجي علي عندنا انا مختلفه معك ان البنت موش عارفه تبقي مدينه ولا فلاحهلا هي مدنيه
متامسكه بتقالدها اه في انحرافات ودي من قديم الزمان لكل قاعده شواذ انا بس بسال ليه الولد موش بقي يحب البنت الي عرفت تخرج وتدخل من غير متفقد تحافظها ويدور علي الدلع والرقه موش تحمل المسوليه
انت موش ملاحظ نسبه الطلاق ذات ليه
علشان الكل بنات وشباب بيدور علي الظاهر صح
اسفه لاطاله

انا مع بوسى يا اميره فعلا داه جهل من الطرفين الحياه الزوجيه مسؤليه وحب واهتمام ولو فعلا فيه حب وتفاهم هيكون كله تمام
ومش هتفرق بنت من الريف او من المدينه المهم المشاعر والاحساس
وغير كده الغلط بالاتنين بالشباب والبنات
\الشاب الى بيتجوز مجرد عندو واحده حطتها ديكور فى البيت
والتانى الى بيفكر ان مراتو تكون شكل بس من برا
الاتنين غلطانين الحياه الزوجيه عايزه الاتنين الست الى تقدر تتحمل مسؤليه البيت والبنت الحلوة الدلوعه داه رايي
واكيد فيه بنات زى الشباب تفكيرهم سطحى عايزه وعايزه وعايزه ومش مهم الشاب داه زى تفكيرها ولا طبعها المهم هيا عايزه الى بنفسها
اسفه بردوا على الاطاله بس موضوعك حلو جدا

جني الزهور الورديه
طمطوه
بوسي كات
طبعا انا لما كتبت الموضوع دا مكنتش متخياله ان حد يهتم بيه
طبعا انا كنت غلطانه وبجدراي كل واحد فيكو موضوع لوحده
وفيه جزئيه تانيه هي السن
(بالمرة بقي)
دلوقت اي شب في التلاتين بيحب اوي يتجوز بنت اصغر منه بعشرسنين
طبعا انا قولتك اننا شله كبيرة من ايام الدراسه والحمد لله لسه اصحاب
(حاتم) واحد منهم كان هو وبنت معه في الشغل في بينهم اسلتطاف وهو كان مقرر
(طبعا بعد ضغط شديد من اهله) انه يستقر وهو ظروف الي حد ما كويسه
طبعا هو او اي حد من اصحابنا بيحب اننا الي نعمل ليه فيها ماري منيب
(محدش يفهم غلط)
احنا بس بنتكلم معها
ونعرف عنها كل حاجه
ونصحابها علشان احنا موش نغشها
البنت ممتازه والله
انا قولتك حاتم 31 عارفين موش رضي يتجوزها ليه
علشان قال ايه عنها 27
وهو عاوزة واحده اخراها عشرين
وكانت عاجبها
عارفين لما كلنا كنا ناويين نخصامها قال ايه
يا جماعه افهموا البنت كويسه
بس انا عاوزة واحد اصغر علشان متعجزش بسرعه وتفضل تدلعني
واربيها علي ايدي
وطبعا البنت اتصدمت وهو خطب بنت تاني عندها 19 سنه والله
شوفتو بقي حجه الشباب في الشقه والمهر في كتير من الاوقات غلط
وانا الشباب في مصر موش الكل طبعا
بيرجعو لوراء
اسفه عليكو لو صدعتكو بكلامي وشكرا لكيو كلكم علي المرو الكريم