ازاى تدلعى جوزك

من طرف **b7ar** الخميس 18 أبريل - 20:15

طبعا هلاقى هجوم من بعض السيدات الفاضلات وهم بيقولوا هو كل حاجه على الست والراجل ميعملش حاجه ابدا

او راى تانى ……. عملت معاه كل حاجه وبرضه مش نافع معاه اى حاجه

او……………………. ما هو مش هيتغير حتى لو ولعت صوابعى شمع

طيب وايه يعنى كل يوم اصحى الصبح وانسى اللى فات وابتدى من جديد فالنساء
خلقن من ضلع اعوج لتصبح كالخطاف عشان تشيل وتستحمل زى بالضبط ضلوع القفص
الصدرى كلها معوجه ولولا اعوجاجها لما حمت كل من القلب والرئتين فهذا
الاعوجاج رافه وحنان وحمايه وهكذا مهمه المراه فى الحياه تحافظ على بيتها
وزوجها وتحنو على اولادها.

اصحى دايما قبله وحضرى له الفطار والحمام ولما تيجى تصحيه اهمسى فى ودنه بهدوء وابتسمى فى وجهه ولا توقظيه بحده وساعديه وهو بيلبس

ودعيه بابتسامه وهو خارج واكدى عليه لما يوصل بالسلامه يطمنك بمكالمه تليفون

خلى بيتك دايما نضيف ورائحته جميله حتى لو كنتى تعبانه

كونى جميله دايما فى عيونه وتزينى قبل حضوره وقومى بتنظيف اطفالك كمان ولبسيهم ملابس نظيفه

ولما يرجع استقبليه بابتسامه وساعديه فى تغييرملابسه واساليه عن يومه فى
شغله وان كان مضايق من الشغل حولى متزوديش عليه بالاسئله ودايما تقولى له
انتى قد ايه مشتقاه ليه وهو بعيد عنك

وكل ما تسمح الظروف اعملى له اكله تكون مقربه الى قلبه وبيحبها

متناميش قدر استطاعتك قبله وانتى جنبه دايما اساليه ان كان محتاج حاجه تعمليها له

دايما استقبلى اهله ومعارفه واياكى تضايقى فى يوم من الايام من استقبالهم وصدقينى هتزيد غلاوتك عنده

ودايما اوصلى ما يقصر فيه جوزك بالسؤال عن اقاربه وذكريه دايما بالمناسبات
المهمه لهم كمان مع الهدايا البسيطه اللى تزيد من المحبه بينكم وبادرى
بتقديم المساعده لهم وخليكى دايما جنبهم فى افراحهم واحزانهم

واياكى تصعدى المشاكل والخلافات بينك وبين اهله ولا تضعى نفسك فى مقارنه مع احد لانها مش هتكون فى صالحك

ابعدى دايما عن البكاء والانهيار ولا تجعليه سلاح لكى تستقطبى عطف جوزك

اياكى تشتكى من جوزك لاحد حتى لو كان اقرب الاقربين ليكى لانك هتصفى لزوجك وتنسى له الاساءه ولكنه سيبقى فى عيون الاخرين بصوره سيئه

من حين لاخر جيبى له هديه عشان تعرفيه انك دايما بتفكرى فيه ومش انشغلتى
عنه بالبيت والولاد وان عرفتى تبعدى عنه يوم كل فتره عشان تجددى الاشتياق
بينكم مره تانيه

حاولى تكونى متجدده ومتطلعه على اخر صيحات الموضه والبسى لجوزك فى البيت
عشان عينه متبصش بره البيت ومتنسيش تغيرى تسريحه شعرك او قصته او لونه
وتجددى من طريقه وضع مكياجك عشان يحس معاكى دايما بالتغيير

ارجعى دايما معاه بالزمن وتذكروا ايام خطوبتكوا وايام شهر العسل

اياكى تبصى للاخرين وارضى دايما بما قسمه الله لكى واعلمى انك فى خيرونعمه دائما ولا ترهقيه بكثره طلباتك

اياكى تسيبى بيتك لو حصل خلاف بينكم لا قدر الله ولا تتركى فراشك ابدا

وفى الاخر عايزه اقولك كونى لزوجك الحبيبه والعشيقه والزوجه والصديقه والام
ولا تتوقعى منه معاملتك بالمثل ولا تتوقفى عن ارضاءه فى حال لم يتحسن زوجك
فأجرك عند الله سبحانه وتعالى عظيم وبمرور الوقت سيتغير الى الاحسن فقط
عليكى بالصبر .