مواقف حدثت بالفعل 3"قربت تتجوز ونرتاح منها"

من طرف **b7ar** السبت 21 يونيو - 17:55

الموضوع دة حصل لواحد صاحبي فعلا وانتهى على يدى انا ودة اللى كان:
كانوا هو وهى جيران الشباك ادام الشباك كان كل شيء هادى وكويس بدأ الاستلطاف و الاعجاب
شويه بعد شويه اتقابلوا برا الشبابيك خرجوا اتكلموا زاد الاعجاب و اصبح أكبر واكبر تيجى شويه ظروف تبعدهم عن بعض سنه والتالنيه والتالته بس رجعت وجمعتهم تانى و بعد ما رجعوا تانى كان الزمن سايب اثره عليها وصاحبي كان زى ما هوه هى راجعه فى دماغها حاجتين الاولى تستغله ماديا وعاطفيا قد الامكان
ثانيا لو قدرت تدبسه و تكعبله ويتجوزوا ما فيش مشاكل
المهم الموضوع فضل بسبب الاول مدة طويلة جيه بيوم وحكا ليا الموضوع واتكلمنا و عرفنا الحكايه رايحة فين وجايه منين المهم حاولت معاه انى ابدها عنه و خطه بعد التانيه والموضوع اصبح على وشك ان ينتهى
فجأة وبطري الصدفة يكتشف صاحبي انها على علاقة مع واحد تانى اكثر مالا وخبرة نسائية
و بالصدفة عرف برضه نيته معاها يحاول ينبهها ويكلمها انها تبعد عنه راحت اتهمته انه بيحاول يبعدها عن الولد دة علشان ما يفضلش غيره وياريت تسكت كدة لا تروح لأهله وتكلمهم هى و والدتها و يجيبوا كلام اتبعت عن طريق النت منه للولد دة على الشات وطبعا الحاجات كلها متفبركة ومعمولة اهله كانوا فعلا هيصدقوا بس هوه كلمنى ورحت ليهم و ورتهم ازاى الكلام متفبرك ومتركب على بعضه ويكفينى انى طلعته برئ ادام اهله
لكن هى فضلت تتنقل من واحد للتانى للتالت للرابع واهيه قربت تتجوز اخيرا ويرتاح الشباب من شرورها

قصة طويلة بس قلت لازم اقولها

نعيب زماننا والعيب فينا وما لزماننا عيب سوانا
يمكن بسأل كتير بس لأني مش لاقية اجابة ليه كل ده بيحصل؟؟؟ ليه الناس بقت كدة؟؟؟؟
عشان كدة بيكونوا الأهل خايفين على أولادهم لأن الزمن كله بقى خيانة وغدر وخداع
وما اعرفش ايه
أشكرك يا تا يجر على القصة

من طرف **b7ar** الخميس 26 يونيو - 2:09

فعلا احنا العيب الوحيد فى الزمن ندنس كل ما هو جميل

نبعد عن الحب ونجرى وراء الغش ونرتدى اقنعه النفاق

مشكورة علىالرأى والتفاعل

من طرف زائر الخميس 26 يونيو - 15:48

دى بنى ادمه معندهاش ضمير و ربنا اكيد مش هيسبها كله سلف ودين الى عملته هيترد ليها ازاى جالها قلب تعمل كده

لا حول ولا قوه الا بالله
اللهم استرها مع امه المسلمين اجمعين

تسلم ايدك يا ملك

من طرف زائر الخميس 26 يونيو - 22:30

ياة لسة في ناس كدة :D

من طرف زائر السبت 9 أغسطس - 0:41

دا النوع الاول من البنات
وللاسف فى كتير زيها كده

من طرف **b7ar** الإثنين 9 مارس - 23:23

منورييييين جميعا
و كلامكم مظبوط
بس الجديد فى المعلمات
انتها اتجوزت فعلا
و لسه برضه بتجرى ورا الشباب
و منهم صاحبي دة بس هوه بيصدهها
فزهقت منه و اكيد فى غيره كتيييييييييييير