مواقف حدثت بالفعل6"هكذا عاش حياته"الجزء الاول

من طرف **b7ar** الأربعاء 9 يوليو - 5:45

اهلا بيكم جميعا

الموقف انهاردة كتير غريب وممكن فعلا تفتكره قصه من تأليفى او مسلسل شوفته ونقلته ليكم
بس هوه دة اللى حصل زى ما اتقال منه واقسم ان كل كلمه صحيحة وحدثت
هوه شاب زي زيك زينا كلنا بس دة اللى بيحصل معاه من صغره مقفول عليه من صغره ممنوع يصاحب حد
كل الاصحاب هيعلموه السجاير والصياعة ورغم تاكد اهله من تفكيره لكن برضه استمر الضغط عليه حتى استسلم و فقد الامل ان يكون له اصدقاء عاش حياته من الدراسه للبيت و جوا البيت بقى مش يقول غير حاضر وطيب ما فش له راي مش له اى قرار حتى بحياته شخصيا اى شيء يخص البيت من قراراات لايمكن يكون طرف فيه رغم انهم ممكن يسمعوا لرأى حد اصغر منه و مش بتفكيره المهم تعايش مع الموقف واتعود عليه بدأت حياته الجامعيه ومن هنا بدأت الخلافات الكثيرة طبعا نطاق الاصدقاء زاد بدأ يعرف ناس بدأ يشوف الدنيا بدأ الضغط يزيد اكتر علشان مش يخرج من تحت جناحهم لسه شايفينوا الطفل اللى كانوا بياخده من ايده للمدرسه و يتزعق له وما لوش اى صفه
انقلبت حياته أس على عقب مش عارف يتعامل مع الناس مش عارف يكون ايه ويعمل ايه لو رجع لهم يتريقواعليه ويحبطوه ولو حاول يقرر من نفسه يكون خلاص كبر عليهم و بيسمع لكلام الناس اللى هيفسدوه
بدأت عبارات كتير تتردد على مسامعه بطريقة مستفزة ودي بعضها
" أصل الواحد لو وراه راجل يعتمد عليه ما كنش خاف من بكرة" " بكرة تكون خاتم فى صباع مراتك و اللى بتقول لا عليه هنا هتعمله ليها" " اكسب عطف اخواتك عليك انتا تعبان ومش حد هيشيلك غيرهم اخدمهم من غير تفكير"
وغيرها وغيرها
حتى السفر للاستمتاع مع الاصدقاء فى مصيف تبع الكليه ممنوع وحتى السفر لقضاء بعض الايام مع الاقارب ممنوع وان اتوسط له حد تبدأ التريقة والتقطيم والعبارات اللى تموت قلب الحجر
تتصوروا وصل لقرب الربع قرن من العمر و مش راضيين يدوه نسخه من مفتاح البيت او حتى بوابه العمارة بحجه اه لو اخدهم هيسهر ويخرج على راحته وكدة هما حاكمينه
القصه طويلة ولسه ليها تكملة بس انتوا رايكم ايه؟؟ العيب في مين مين غلط؟؟؟
مع العلم انه معترف بعيبين فيه وهما ان ذاكرته ضعيفة يعنى بينسى ساعات س بيعمل كل اللى يقدر عليه انه يرضيهم
والعيب التانى انه اوقات بيكون كسلان مش قادر يتحرك بس دى مش طول الوقت

ودلوقتى الرد ليكم؟؟؟

من طرف Memaya الأربعاء 9 يوليو - 6:06

أنا بقول العيب منهم و منه

لأن مينفعش الأهالى تضغط على ولادها بالطريقه دى

و الأولاد لو لاستحملوا دا المفروض عند سن معين يرفضوه

و على فكرة كدة هما مش بيحفظوا عليه أنهم حرمينه من كل حاجه هيجيله يوم و يجرب كل حاجه سواء كانت كويسه أو وحشه و هيعمل مصايب كتير نتيجه لأنه عنده رغبه أنوا يجرب الحاجه دى

لو كانوا سبوه يعمل كل حاجه و بعدين يقولوله إيه الصح من الغلط ماكنش هيبقى دا الحال

و الناس اللى بتعمل كدة فى ولادها يبقى حرام عليهم و هيتحسبوا على اللى عملوه دا

و ماكنش أحستنلهم أنهم يخلفوا و يجيبوا أولاد يعذبوهم بالطريقه دى

شكراً ليك يا ميدو على الموضوع الحلو دا

العيب في الزمن الي احنا فيه ويمكن يكون في جزء كمان فيهم ربنا يكون في عونك ايها الشاب

مش هاقول انها تأليف أو مسلسل بتحكيه
لأن في كتير من القصص دي
صدقني صديقك ده مش الوحيد اللي عايش كدة وأهله بيعاملوا كدة
في كتير وكتير بس كل قصة بتختلف عن التانية
والغلط بالأهل اللي بيحكموا أولادهم بالطريقة دي وبيفتكروا انهم صح وبالزمن اللي احنا عايشين فيه اللي بقى كله غدر وخداع وأنانية
يعني بالنهاية بقول الدنيا اتغيرت وبقت سيئة والأهل شايفين انهم لازم يمسكوا أولادهم وما يسيبوهم يتحركوا خااالص وما ياخدوا أي قرار بنفسهم لكن برضه في أولاد كويسين ويعرفوا يفكروا كويس
لكن الدنيا كدة والأهل كدة وما نقدرش نغير أي حاجة والأمل دايما موجود ومش لازم نيأس
أعتذر كثيرا لأني طولت عليكم لكن ده رأيي
ومشكور على القصة الواقعية يا تايجر

من طرف زائر الأربعاء 20 أغسطس - 2:59

بجد انا مش مصدقه ان فى عقليات ...............
لغايه دلوقتى
انت لما قولتللى ان فى قصص من الواقع فضلت ادور عليها فى كل مساهماتك
بس مكنتش متوقعه انها هتبقى مؤثره كده
لو كان من البدايه قال لا
مكانشى كل ده حصل
لو كان عمل شخصيه زى اخواته يامحمد
مكانشى كل ده حصل
صاحبك غلطان يامحمد
غلطااااااااااااااااااااااااااااااااااااااااااااان اوى كمان

انا بجد مش قادره استوعب ان فى حد كده يعنى الاهل من كتر خوفهم وحرصهم على ابنهم ممكن يعملوا كده فيه ممكن يسيبوه كده فى حياته خالى من التجارب ولا اى نوع من الاحتكاك طب لو فرض ولا قدر الله حصل مكروه لهم وهو اتوجد لوحده فى الحياه هيتعامل ازاى مع الناس لان مفيش اهل بيعيشوا على طول لاولادهم
وبعدين ده ولد اكيد هما مش فاهمين يعنى ايه حياه الانسان لازم يغلط عشان يتعلم من خطئه حتى فى المرض الانسان بياخد التريقاء من نفس نوع السم انا اعلم ابنى الصح والخطئ واسيبه يتعامل مع الناس والمواقف حسب تربيته ومع توجهاتى والناس اللى بتعامل ولادها كده فعلا بتتفاجاء بردود افعال اولادها لانها بتفوق كل توقعاتها وبتكون افضل من ماهيه بتتوقع او تكون حابه انه يتصرف وممكن تتعلم منه كمان لان الدنيا بتتغير اكيد هما عاملين زى القصه القديمه بتاعه الدب اللى قتل صاحبه

مواقف حدثت بالفعل6"هكذا عاش حياته"الجزء الاول

مواقف حدثت بالفعل6"هكذا عاش حياته"الجزء الاول

رد: مواقف حدثت بالفعل6"هكذا عاش حياته"الجزء الاول

رد: مواقف حدثت بالفعل6"هكذا عاش حياته"الجزء الاول

رد: مواقف حدثت بالفعل6"هكذا عاش حياته"الجزء الاول

رد: مواقف حدثت بالفعل6"هكذا عاش حياته"الجزء الاول

رد: مواقف حدثت بالفعل6"هكذا عاش حياته"الجزء الاول