تأثير الامثال فى تكوين التفكير

من طرف **laila** الأربعاء 27 أغسطس - 4:19

بسم الله الرحمن الرحيم

بنسمع امثال كتير فى حياتنا اليوميه سواء من الاهل او الاصدقاء او من وسائل الاعلام المشكله ان كتيرمننا بياخد الامثال دى على انها افكار وقواعد ثابته لازم نمشى عليها فى حياتنا بدون وعى او تفكير فيها وبالتالى بتدخل فى نظامنا الفكرى وتخلينا نحس بانفعالات سلبيه واضطراب فى السلوك ومن الامثال دى الاتى:

*المثل: الباب اللى يجى منه الريح سده واستريح
الفكره: بتتكون فكره ان تجنب المشكلات والمسؤليات اسهل من مواجهتها
النتيجه: الشعور بعدم الكفاءه-فقدان الثقه بالنفس -الشعور بالقلق

*المثل: اللى له ضهر مينضربش على بطنه.
الفكره: يجب ان يكون هناك شخص ما اقوى منى يساندنى واعتمد عليه
النتيجه: فقدان الشعور بالفرديه والاستقلاليه_النظره السالبه للذات_انعدام الشعور بالامن

*المثل:من كتر كلامه قل مقامه
الفكره: يجب الا اتحدث مطلقا كى احافظ على قيمتى ومكانتى
النتيجه :القلق من الحديث_الشعور بالسلبيه وعدم التوكيديه_الخوف من الرفض

*المثل: لا تأمن للمرأه اذا صلت ولا للخيل اذا ولت ولا للشمس اذا طلت
الفكره: يجب ان ابتعد عن التعامل مع الاناث لانهن ليس موضع ثقه
النتيجه: النظره السلبيه للاناث وتجنب التعامل معهن والشعور بالعجز تجاههن

*المثل: الحمى حمه واخت الزوج عقربه سامه
الفكره: يجب ان ابقى فى حاله حذر مستمره أثناء التعامل مع حماتى وأخوات زوجى او يجب ان اتوقع الذى منهن فى اى وقت
النتيجه: الشعور بالقلق والقيام بسلوكيات مصطنعه وزائفه