أحنا الشباب رايحين جايين, خش وانت تعرف

من طرف **b7ar** الإثنين 8 سبتمبر - 21:34

السلام عليكم ورحمة الله وبركاتة

( احنا الشباب
تايهين بين قنوات الاغانى وبين القنوات الدينية نقلب فى المحطات

نشوف شوية
كليبات على ميلودى وشوية ونقلب نسمع برنامج دينى على اقرأ احنا الشباب كدا رايحين
جايين )

الجملة دى قالها احد الشباب من الممكن انه يكون
قالها بسرعة

ممكن كمان لما نسمعها مش ناخد بالنا منها فى وسط الكلام

ايه رأيكو نتأمل الجملة بجد

لو اتاملنا الجملة فعلا هنلاقى
ان دة فعلا حالنا .... حالى ... وحالك ... وحالنا كلنا

احنا فعلا رايحين
جايين ما بين العالم المثير لدنيا الاغانى والكليبات ومافيها من الوان واثارة ولبس
وموضة وعلاقات رومانسية ورقص وسهر وخروج .......الخ مما تدعو اليه الاغانى
والكليبات ايضا

وبين عمرو خالد والدين والموعظة والهداية والالتزام
والمعانى العميقة للحياة والتأمل فى الكون والخلق

لو
تأملتو اللى بيحصلنا هتلاقو عقولنا هى كمان بتقلب محطات زى ما بنقلب القنوات بالضبط

يوم تصحى تصلى الفجر ويوم تنسى تصلى اصلك مستعجل وراك ميعاد

يوم تسهر طول الليل تقرأ قران وتقيم الليل

يوم تانى تسهر
طول الليل فى الشات على النت

وغيرها ... وغيرها .......... من
التناقضات او تقليب المحطات اللى بيحصل فى عقولنا

بس ياترى ايه
السبب فى التناقض والتأرجح ده ؟

هل ياترى هو ضعف ولا هو عدم نضوج
ولا يا ترى هو غياب القدوة بين الشباب لوضع التوازن الحقيقى بين الدين والدنيا ولا
........ ولا......... ولا............. ؟

ياترى فعلا انت بتمر بكل
الحالات دى ؟

وايه اسباب عدم التوازن دة والتشتت وعدم الثبات

يا تري انت بقي رايح جاي ؟