حب الجامعة

البدايــــــــــــــــــــــــــــة



الولــــد: انا معجب بيكى جدا من اول مره شوفتك فيها وبصراحه بقى



يسكت ويبص فى الارض ويتنهد جاااااااامد ويقولها وبصراحه كده بحبك



البنـــــــت : وشها يحمر وتكسف كده وتقوله وانا كمان



بس كده وتبتدى اجزاء الفيلم العربى



اول سنه



كل شويه مكالمات ومسدات ومسجات بقى وبحبك وحشتينى وحسين الجسمى بقى وايه اجمد كلام واجمد هدايا واحلى خروجات وفسح وعزومات وعيشه ايه جاااااااااااااااااامده جدااااااااااااااااااااااااا



تانى سنه



يخفف هو من ناحيته شويه والبنت تفتكر انه بيتقل عليها يا عينى وتجرى وراه هى وكل شويه مكالمات وانا يالى بحبك وحدى انا ونانسى عجرم بقى وايه جو رومانسى جامد


تالت سنه



خناقاااااااااااااااااااااااات خناقااااااااااااااااااااااااااات على كل حاجه واى حاجه وده طبعا بيبقى تمهيد للى هيحصل بعد كده



رابع سنه



خلاص بقى هيتخرجوا وابتدت توجع دماغه



البنـــت: هتيجى تقابل بابا بقى احنا خلاص كلها شهر ونتخرج لازم تكون علاقتنا رسمى



الولـــد: يضحك اوووى ويقولها رسمى ايه ياماما هو انتى فاكره انى هاتجوزك ولا ايه انا عمرى ما افكر اتجوز واحده مشيت معاها وخرجت معاها ايوه احنا عشنا ايام حلوه جداااا انا اتبسط بيها وانتى كمان لس جواز لا انا مقدرش استامنك على بيتى واسمى انا ايش عرفنى انتى ممكن تعملى كده مع غيرى وابقى انا نايم على ودانى زى اهلك اللى فى البيت.








و ده حب الجامعه انا طبعا مبعممش بس الحاجات اللى بتكمل جد بتبقى باينه من اولها يعنى لو واحد حب واحده وحاطط فىدماغه انه يرتبط بيها رسمى مش هيخرج معاها ولا يزعقلها ادام الناس وكده بالعكس ده هيحافظ عليها وعلى سمعتها كمان



وانتوا بقى ايه رأيكم فى حب الجامعه ؟؟؟؟؟؟؟دمتم اخوانى بكل الخير تحياتى لكم

دة كلام صح هو دة اللى بيحصل فعلا
حب الجامعة اولة حب و حياة جامدة جدا
واخرة جرح وسمعة وحشة للبنات
بس بردة فى ناس كويسة
موضوعاتك على طول مميزة ياهوجو

عندك حق والله فعلا الواحد بيشوف اليومين دول مهازل تحت اسم الحب وكتير من البنات عايشيت في اوهام وفجأة تظهر الحقيقة وتسقط الاقنعة وكل واحد يبان علي حقيقته والبنت تعرف ان اللي عشمها سنين بكلامه وحبه المزيف ماكانش اكتر من كلام بس
ربنا يوفقك يا هوجو بجد موضوع متميز زيك بالظبط وربنا بعافينا يارب

عاشقة الحب الضائع هانذادا losha نورتونى يا اجمل بناااااااااااااات

فعلا معاكوا حق فى اللى بتقلوه
بس ده يرجع لنظره البنت للولد اللى بيقولها كده ومن تصرفاته فى اول سنه
هتعرف هو عايز ايه بالظبط بيتسلى ولا جد
يعنى لو بيحبها بجد هيخاف عليها مش هيخرج معاها بره الجامعه مش هيتصل بيها فى اوقات متاخره مش عشان اهلها لانها ما بقتش تفرق بس عشان بيحبها وبيخاف عليها
فاى بنت تقدر تعرف الولد اللى بيقولها كده عاوز منها ايه
وفعلا موضوع حلو ومميز

عندك حق بس في ولاد مش بيبانو بعد سنة بيقدرو يخدعوة لاكتر من سنة فعشان كدة لازم البنت تكون وثقة انها اختارت حد يستهلها ويكون بجد هيراعي ربنا فيها نورتينى وربنا يوفق الجميع