رسالة الى كل بنت فى المنتدى!!!!!!!!

يابنات انا عايزة اقولكم حاجة حصلتلى بس اتمنى انى ما ادايقكمش
انا كنت بحب ولد واستغربت اوى اول لما عرفت انة بيخونى واننا ماينفعش نكمل مع بعض
بس بعد ماعدت فترة طويلة مخنوقة ومدايقة
عرفت اية السبب
الدنيا دى كما تدين تدان
واكيد انا عملت كدة بردة
وطلعت انا بردة خنت اهلى لانى اكيد كنت بعمل دة من وراهم
ومن وجهه نظرىان لو هو بيحبك عمرة ما هيخليكى تعملى كدة من ورا اهلك
ياجماعة بجد الحب دة حاجة حلوة اوى ياريت ماتكونش فى الضلمة خليها فى النور احسن
اية رايكم بقى يابنات لو فى واحدة بتحب واحد تقولة انها عايزة تقول لمامتها
وهو لو بيحبها هيوافق لو مش بيحبها هيرفض او هيقولها ناجلها فترة
وبكدة هتعرفى انة مش بيحبك
يارب مااكنش دايقتكم وطولت عليكم
ونفسى بجد اكون فدتكم

ميرسي كتير علي النصيحة حقيقي مفيدة اوي
بس عايزة اقوللك انه الاهل لازم يعرفوا من الاول اكيد الاهل مش هايكرهو الخير لبنتهم وهايفرحوا اوي لما يعرفوا انها هاتبقي سعيدة مع الشخص ده
وانا بحمد ربنا ان اهلي كلهم عارفين الانسان اللي بحبه ومبسوطين اوي من اختياريلانه في رأيهم اني اخترت الشخص الصح
وربنا يوفقنا كلنا يارب
وموضوعك حلو اوي يا عاشقة وان شاء الله ربنا يرزقك باللي تستحقيه اللهم امين