شقة و عفش و شبكة

من طرف **b7ar** الأحد 1 فبراير - 19:47

طبعا الكل هيستغرب من اسم الموضوع بس اسيبكم مع الموضوع نفسه و هاستنى رأيكم

الموضوع بدأ انى كنت بكلم صديقة اجنبيه و لقتها بتقولى عاوز تسأل عن حاجه
المهم اتكلمنا لقتها بتحكى عن واحد بتكلمه و الاخ دة كان على وشك انه يخطب و يتجوز _عقبالكم كلكم_
المهم قعد يتكلم معانا _ومايعرفش انه كدة بيفضحنا_ و قعد يوصف لها طلبات اهل خطيبته
من شقة و عفش و شبكة و و و و
قال لها انهم طالبين شقة و تكون تمليك و طبعا الكل عارف الشقق و بلاويها و الجدع اللى يلاقيها
و طبعا عاوزين عفش قصور مش شقة لاتنين يدوب لو 5 اطباق و كوبايتين يقضوهم و بعد كدة على مهلهم
نسيب دة كله و نيجى عند اللى منرفزها جدا بتقول ان اهلها طلبوا منه بقيمه محددة دهب _اللى هى الشبكة طبعا_ و طبعا استغربت
بتقولى المفروض انه قال ليا ان دة هديه ازاى تبقى الهديه تطلب و تطلب كمان بقيمة محددة
فقول لها كتير من الناس بيفكروا كدة انهم لما يزودوا فى طلباتهم
و يزودوا و يغالوا فى الطلبات يبقوا كدة بيحافظوا على بنتهم
فقالت لى جملة غريبه كدة هاكتبها كوبي من كلامها
in egypt all girls only think in money so i can say greedy lil bitches
sorry about that
theres gotta be some that dont think like that
only the main different about bitch & them
only that bitches have sex with out marriage

طبعا معنى الكلام واضح
تخيلوا دة حالنا قلبنا الجواز لتجارة طبعا مش بيع و شراء و لكن بدعوى انا بحافظ على بنتى
طب ما ممكن الشاب دة يطلع عينها و يبهدلها لدرجة انها هى و اهلها يسيبوا له كل حاجه و فوق دة كله فى منهم بياخ فلوس كمان
يعنى مش قيمة البنت بالفلوس و لا بكتر الطلبات
و بتهيقلى دة اكبر سبب لعدم الجواز
لان مين شاب فى اول عمره لسه بيقول يا هادى
هيجيب شبكه بشئ و قدره و يجيب شقة و عفش و و و و و و
و خير ما نعمل به حديث
النبي الكريم صلى الله عليه وسلم: "إذا أتاكم من ترضون خلقه ودينه فزوجوه،
إلا تفعلوا تكن فتنة في الأرض وفساد كبير" (رواه الحاكم وابن ماجه
وغيرهما)،

وهو دة اللى بيحصل فى مصر وبنشوة صورتنا فى جميع انحاء العالم بهذه الطريقة

موضوع جميل ومنتظرين المزيد

موضوع صح فعلا
وللأسف بقى الجواز كدة وبس
وبيسبب مشاكل كتير
منها عدم الجواز او الطلاق او الحياة التعيسة او الحياة الروتينية
مفيش حب من الأساس
لأن الأهل عايزين الفلووووووووووووووس وبس
وحتى نسبة كبيرة من البنات بقوا كدة
عايزين الشاب اللي عنده بيت وسيارة وفلوس ويجيبلها هدايا كتييييييييييييرة ومش أي هدايا طبعا
وللأسف لغاية دلوقتي في نسبة من البنات بيتجوزوا شخص ضعف عمرهم لأن معاه فلوس كتير
وانت قلت انو الجواز قلب لتجارة لكن مش بيع وشراء
برأيي بقى بيع وشراء لأن لو ما دفعتش المبلغ ده يبقى ما فيش ليك نصيب عندنا ده رأي الأهل
طب يا ترى ايه الحل ؟؟؟
لما البنت تبقى مالهاش كلمة ولا رأي ومش هتقدر تغير عقول أهلها
يبقى هتعمل ايه ؟؟؟؟؟؟

موضوع حساس وبيحصل فعلا وبدرجة كبيرة جدا
ومنه نقدر نفتح مواضيع تانية وحاجات بتحصل بحياتنا
لو سمحت هارجع تاني لموضوعك بعد ما نشوف الأراء وهأقول نقطة تانية برضه بتحصل بحياتنا للأسف

طبعا ده موضوع جميل جدا

وصريح جدااااااااااا

ولو تسمحلى اضيفلك كمان حديث عن الرسول

قال اقلهن مهورا اكثرهن بركة

وللاسف ده حال كتير من الاهالى والابناء كمان

من طرف **b7ar** الإثنين 2 فبراير - 17:52

كدة الكل اجمع على نفس الرأى
و معانا ممثلات من الجنس اللطيف
طب احنا كنا زمان نقول عالاجنبيات هما اللى bitches
دلوقتى هما اللى بيوصفونا بنفس الوصف و دة ليه لاننا اعتبرنا الجواز بيعة و شروة
اعتبرناه تجارة زى اللى بيربي اى حاجه و بعدها بيعرضها للبيع _اسف للتشبيه_ بس دى الحقيقة
ويمكن اللى بيربي حاجه و يعرضها للبيع بيعود عليه نفع مادى و بتكون مصدر رزقه
لكن هنا اولا بيمنعوا حلال الله و ثانيا بيبعها و مش بياخد مقابل
بقى دى يرضى ربنا

الموضوع حلو وبسير مشكله حاليه جدااااااااااا
والدراسات بتقول انه حدث ارتفاع بدرجه العوانس وخصوصا بمصر
علي نحو اكتر من العادي
وكمان ارتفعت نسبه الطلاق جدااااااااااااا علي اتفه الاسباب

وذي محنا عارفين ابشع السوائل المتبعه انه يعذب الزوجه لان ابوها واخد عليه مواخر او شيك
وحااااااااااااااااااااااا جات من النوع ده كتير
والزوجه مقابل النجاه بتتنازل عن حقوقها

بصو انا بقا شيفه ان كل حاجه بالمعقول حلوو جداااااااااااااااا

لان لا قدر الله ممكن نتعرض لمشاكل وتوخي الحظر مش مشكله

واهم حاجه يكون عنده دين واخلاق وطالما تتوجدت تلك التعاملات

لا تتواجد مثل تلك الاشياء

الوسط مطلبوب في كل حاجه
والمفروض نتطبق كلام ربنا والرسول عليه الصلاه والسلام

الوضوع منتشر وحي جدااااااااااااااااااااااا بس مين يسمع ؟ ؟

شكرا لطرح الموضوع وده رائي

تقبلو مروري

من طرف **b7ar** الثلاثاء 3 فبراير - 3:52

رأي جديد و جميل و نحترمه
و اتفق معله بكل شيء
و فى انتظار باقى الاراء

من طرف **laila** الجمعة 6 فبراير - 5:28

موضوع حيوى جداااااااااا ومنتشر قوى

بس انا رأى لو اتكلمنا فى كل نقطه على حده

بالنسبه للمهر ده من حق العروسه والمفروض انها مش بتدى منه لحد حتى والدها

ويزوده علشان يأمن مستقبلها طيب ممكن تضطر للخلع وتدفع المهر ساعه كده
هتجيبه تانى منين

وبعدين المهر ربنا بيبارك فيه جدااااااااااااا

فى راجل راح لعمر بن الخطاب(رضى الله عنه)وكان تعبان فسيدنا عمر قاله خد
درهمين من مهر مراتك بس بشرط ضرورى تخدهم بعلمها وعن طيب خااااااااااااااااطر
واشترى بيهم عسل ودوبه فى ماء مطر وهيكون الشفى باذن الله

يعنى ربنا بيبارك فيه قووووووى سواء كان قليل ولا كتير

وحاجه كمان اى بنت اصيله هتلاقى جوزها عنده مشكله مش هتتردد انها تساعده
حتى لو بمهرها

يبقى ليييييييييييه ازوده لدرجه اققعد بنتى او اختى جنبى

بالنسبه للشقه مش لازم تكون تمليك لان تمليك او ايجار هو ملزم يوفر لها
السكن ايه الفايده ترتاح فى شقه تمليك
والشخص نفسه مضايقها

بالنسبه للشبكه بيزودوها علشان حق البنت طيب ممكن تتقدر قيمه الشبكه هو
بجيب حاجه بسيطه اللى يقدر عليه ان شاء الله دبله بس والباقى يتكتب ثمنه فى
القايمه ويبقى كده جوز البنت وحافظ لها على حقوقها

وفعلا زى ماجنى قالت ممكن تضطر تتنازل عن حقوقها لو هو مش كويس
قصه حصلت فعلا اب طلع عين العريس ومهر كذا ومؤخر كذا وشبكه وشقه باسم البنت
وقايمه وفى الاخر علشان يطلقها من غير ما يخسر حاجه دبر لها تهمه زنا وحط التنازل
عن المحض وسمعتها قصاد تنازلها عن حقوقها

يبقى لييييييييه احط بنتى او اختى فى الموقف ده

زى ماالرسول عليه الصلاه والسلام قال(خير الامور الوسط) يعنى لانتنازل قوى
ولا نصعب قوى

بس مش المهم مش كلامنا احنا بس لازم الاهل يقتنعوا كمان

اسفه طولت جداااااااااااااااا بس حبيت اوضح وجه نظرى

موضوع جميل جداااااااااااااااااا....مرسى

من طرف **b7ar** الأحد 8 فبراير - 0:21

نورتينى لوشا على الموضوع
و دايما تأسرينا بعقلك و حكمتك
بس يا ترى كام واحد بيعمل كدة
فى الاخر كل الاهالى بيقوا بنتى بنتى بنتى
و لما تطلق و ترجع لهم برضه يقولوا بنتى بنتى بنتى
اتمنى من الله اختفاء الظواهر الغريبه دى
و ربنا يستر كل بنات المسلمين

شقة و عفش و شبكة

شقة و عفش و شبكة

رد: شقة و عفش و شبكة

رد: شقة و عفش و شبكة

رد: شقة و عفش و شبكة

رد: شقة و عفش و شبكة

رد: شقة و عفش و شبكة

رد: شقة و عفش و شبكة

رد: شقة و عفش و شبكة

رد: شقة و عفش و شبكة