بقايا روجك وكحلك

هفت قمره وضوى شاعر سكون الليل تسبيحه
ونبت في ركن من قلبي غلا من غاب عن عيني

اقول انسى واشوف انسى تموت فصمت تلويحه
كأنّه يوم لوّح لي ,, يذّب العذر ف ايديني

سلااااام مربّع لقلبه,, تحياتي لتجريحه
احبه ليش ماااحبه!! مدامه منّي وفيني

فديت تراب رجلينه وتغبيرة مراجيحه
فديته كثر ما قال فكلامه " جد تبغيني!"

فديته يوم خاصمني وعاتبني بتلميحه
فديته يوم بكيته وقال ارجوووك خلّيني

حبيبي غيب لا تهتم عطاك الوجد تصريحه
على عهد اللقى باقي احبك وارقب سنيني

زوايا غرفتك,,عطرك,,فساتينك,, وتسريحه
بقايا روجك وكحلك,, تصبرني,, تسلّيني

هدايا عيد ميلادي,,, تشيل الهم وتزيحه
هنا بااااقات من فلّك تقول شكنت تهديني

هنا حب وهنا شوق وهنا مزح وهنا طيحه
هنا تضحك هنا تبكي هنا ترضى هنا تجيني

وهنا إلّا هنا هذي تشق الجيب وتصيحه
هنا قلت القضى جاني وشفت الدمع يبكيني

هنا أعلنتها مجبر لفاني موت تسبيحه
نبت في كل أركاني وغبت اليوم عن عيني!