الى كل محبى الغلاسة و الرخامة و الخنقة....ادخل بس بحذر

:heart: :heart: :heart: اول حاجة
انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخرة
ودى فرصتك يامعلم عشان تزهق فى خلق الله
اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل
انزل قلب فى الشنط وطلعها برة ووقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها

تانى حاجة وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فية جرى خلية يقعد سيبة متكلموش
سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى قلبة وقولة دا مكانى ياعم
هيزعق ويقول انا قعدت فية الاول طلع التذكرة وحطها فى عينة او انده للسواق او وقف الاتوبيس واعمل خناقة لحد ماتقعد مكانك

تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية
خش على الى قدامك شوية افرد رجلك من تحت الكرسى وخبط فى رجلية كل شوية وان اكلم قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطة ووقعة فى الارض

وكدة يبقى خلصت على الى قدامك ارجع للى جمبك تانى
اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة
دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية تالتة
قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد
واما تخرج لو لاقيتة لسة مستنى قولة على فكرة المية قطعة وسيبة وامشى

كدة يبق انت كفرت كل الى فى الاتوبيس تقولى ياعم انت مزهقتش غير تلاتة هقولك لا
بطريقة الشنط زهقت شوية
واتمنى ليكم رحلة خنيقة هههههههههههههههههههههه دى اول مرحلة فى الاتوبيس

تانى حاجة فى الحياة العملية اللولبية الغربية منها والمنوفية

ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان يقيس
تقوم سادد منخيرك وتمسك بطنك وتقول اووووووووووووف وتعمل اكنك عايز ترجع وتقول لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى زى الطمطماية

تالت حاجة

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وهقهق اوى ويسلام لو وقعت على الارض من الضحك وبصلة من فوق لتحت خلية يشك انة مسخرة هتلاقية عملها على روحه

رابع حاجة

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول عشان انت جى الاول قولة لا خلص المزمزيل الاول هتقولك شكرا والراجل هيقوك اوك اول مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا كلمة

خامس حاجة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل فى الشارع وبصلة شوية بقرف وامشى فى حالك

سادس حاجة

وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة طبعا هيتحرجوا يكلموك بس هما اصلا ميتين من الغيظ

سابع حاجة

لو متغاظ من مشرف فى المنتدى
عاملة كانة بنت يعنى ترد علية كانة بنت مثال
شكرا ليكى
انا بحيكى على الموضوع دة
تحياتى ليكى
وهوا يقولك انا ولد متعبروش بس لو اتنرفز ابقى خف لاحسن تتوقف
والطريقة دى تمشى على المشرفات البنات بردة عملوهم كانهم رجالة

تامن حاجة

وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي تسمم من الاكل
ورخم اكتر ومدتفعش حساب الاكل وامشى على كدة

تاسع حاجه
سوق عربيتك في الاتجاه المعاكس واي عربيه تعدي من جنبك اشتم صاحبها

ههههههههههههههههه

دى حاجات تفقع الى ميتفقعش

تسلمى على الموضوع الجميل

بجد متميزة دايما

طول عمرك وانتى مواضيعك بجد حلوة

تسلمى يا جميلة

من طرف **laila** الأحد 2 أغسطس - 6:34

يا ساتر يارب
كل دى غلاسه
حرااااااااااااااام

الى كل محبى الغلاسة و الرخامة و الخنقة....ادخل بس بحذر 2302e

ماشاء الله عليك وعلي غلاستك

ربنا يكون بعونك يا بوكي

وهتعنس هتعنس كفايه بس الحاجات اللي تفقع المراره ديه

وتجيب الضغط والسكر

ههههههههههههههههههه
كل دى رخامه
بس حلوه
وانا شخصيا هستفيد بيها لان فيه صاحب محل بيغتت عليا اوى
عن اذنك بقى اروح افقع مرارته

ههههههههههههههههه ابه يا عم الغلاسة دي كلها
هو فيه كده؟
دي تجيب الضغط والسكر
طب والله لو حد عمل معايا كده دنا افجره
هههههههههههههههههه
ههههههههههههههههههههههه لا وايه من اعمالكم سلط عليكم
اهو جه اللهو يطبق الغلاسة عليك
هههههههههههههههههههههه
اشرب بقي
عشان تيبقي تعلمهم

من طرف **b7ar** الإثنين 14 سبتمبر - 20:40

لا يا عم بوكى ولا هتعنس ولا حاجه ما حدش بيعنس من الرخامة
بيحاولوا ي مان يحبطوك علشان تبطل
لكن انا باقول الى الامااااااااااااااااااااااام
وربك يزيدك و يقوييييييييييييييييك

علمناهم الرخامه سبقونا فى الردود براحتك يا لهو ردى زى ما تحبى يا قمرايه

لوشا و جنى و ديد و هانذادا دى فقرات بسيطة لسه التقيل جاى ورا

تايجر لا ياس مع واحد غلس و رخامه بقى الموضوع له بقيه

مشكورين جميعا على المرور
اى استشارات رخامه او غلاسه يرجى الاتصال ب 0900

الى كل محبى الغلاسة و الرخامة و الخنقة....ادخل بس بحذر

الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر

رد: الى كل محبى الغلاسة و الرخامة و الخنقة....ادخل بس بحذر