الحب الأول موضوع هايعجبكم جدااااااااااااا ادخلوا وشوفوه

من طرف **Sasso** الخميس 21 مايو - 16:35

حبيبـي..دائمـاً
(أبنيلك قصر عالي وأسهرلك الليالي (من طرف تاني

من منا لم يشاهد فيلم "حبيبي دائماً"؟!!.. ولم يتعاطف مع قصة الحب التي جمعت بين نور الشريف وبوسي.. والتي قاربت الأساطير والخيال وقصص الحب في الأدب والروايات، زي روميو وجوليت وقيس وليلى وعنتر وعبلة
اليوم سنتحدث عن قصة حب أخرى في الفيلم.. حب حقيقي من طرف يعرف معنى الحب وتنازلاته وتضحياته لطرف يعتبر هذا الحب ملء فراغ وسد خانة تعوض غياب حبه الأول
*******
الحب من طرف تالت
تدور الأحداث حول قصة حب بين نور الشريف أو إبراهيم الطبيب المبتدئ وبوسي أو فريدة بنت الحسب والنسب ولكن كالعادة الخلاف بين الأهل حول الزيجة لفارق المستوى الاجتماعي والمادي.. لكن هناااااك قصة حب أخرى في الفيلم دارت بين طرفها الأول سوسن بدرأو فاطمة.. وإبراهيم.. هي موضوعنا اليوم
فاطمة الطبيبة الشابة المبتدئة تقع في غرام إبراهيم الطبيب المبتدئ الذي يعيش أحلى قصة حب مع فريدة؛ التي أجبرها أهلها على الزواج من ثري مصري يعيش في الخارج
فاطمة تحب إبراهيم حباً جماً وتنتظره مهما طال الزمن وتتقبله في جميع الأشكال وتحت كل الظروف.. فالحب بالنسبة لها هو التضحية والوفاء حتى لو كان من طرف واحد
فاطمة تنتظر عودة إبراهيم بعدما تركته حبيبته وأجبرها أهلها على الزواج من شخص ثري وذي نفوذ
فاطمة تعتقد أن حبها المسلوب عاد إليها فقد حان الوقت لتعبر عن مشاعرها بدون خوف أو أسى فالطريق أصبح ممهدا لقلب الحبيب بعدما وقفت الظروف في طريقه
فاطمة تقابل الحبيب وتخرج معه وقد اتفقا على كافة التفاصيل، لكن دائما ما تأتي الرياح بما لا تشتهي السفن، حيث تظهر فريدة حبيبة إبراهيم الأولى مرة أخرى في حياته عائدة من تجربة مريرة تحتاج إلى حبها الأول والذي أصبح من كبار الأطباء في البلد
بشكل أو بآخر تختفي فاطمة من الأحداث دون تسليط الضوء عليها وذلك بمجرد ظهور فريدة -حبيبة إبراهيم الأولى- في الأحداث مرة أخرى
لذا فقد قررت أن أعرف رد فعل فاطمة تجاه إبراهيم.. وهل اختفى حبه في قلبها؟
*******
حب المنتهى.. فاي
في الماضي الذي ليس بالبعيد كنا ندرس في الرياضيات كلمة فاي بمعنى إلى مالا نهاية و(حب المنتهى.. فاي) هو حب إلى ما لا نهاية.. بمعنى أن تظل فاطمة حبيسة حبها وتعيش المنتهى
منتهى التضحية..
منتهى الوفاء..
منتهى الإخلاص..
لكن هل حب المنتهى يصلح في هذه الحالة؟ هل تظل فاطمة تحب شخصا أصبح لغيرها، أم تقرر أن تخوض تجربة أخرى وتبحث عن حب بديل وحياة جديدة؛ فقد ضاع حلمها بالعيش مع حبيبها الذي أحبته هي وكان دوما هو وقلبه مع حبيبته الأولى
*******
خد اللي يحبك وماتخديش اللي انتي بتحبيه

ده مثل بيمشي عليه ناس كتير ويمكن بطلنا إبراهيم لجأ له عندما فرقت الظروف بينه وبين حبيبته فريدة؛ ظهرت فاطمة التي تحبه وبدأ يقترب منها في محاولة لنسيان الحب الأول.. سائراً على مبدأ: خد اللي يحبك وماتخدش اللي انت بتحبها.. لكن الظروف تغيرت مرة أخرى وأصبحت فاطمة في موضع الاختيار.. هل تسير على نفس المبدأ وتعرف من يحبها وتحاول أن تقترب منه على المبدأ نفسه: خدي اللي يحبك.. أم تحيا على ذكرى حبها الأول؟
*******
الحب الأول مابيتنسيش.. بس أنا قررت أعيش
يمكن المثال الماضي هو المثال الشائع والمنتشر بين الشباب والبنات بالذات في تجربة الحب الأول.. يعني تحب بنت والظروف تبقى صعبة وتلاقي بنت تاني تكون بتحبك ومستعدة تضحي وتقف جانبك أو ظروفكم على الأقل متشابهة والعكس بالنسبة للبنات
الحب الأول دايما بيكون أحلى حب خاصة لو كان حب خالي من الشوائب والمصالح والشهوات.. يعني حُب للحُب.. لكن بما إننا أصبحنا في عصر من يملك يحكم –وده مش كلام في السياسة- يعني لو انت جاهز أو مرتاح مادياً ووالدك تاجر حديد قد الدنيا يبقى كده تقدر تختار شريكة حياتك وأنت مطمن لكن لو مثلك مثل السواد الأعظم من الشباب اللي بيبني نفسه طوبة طوبة يبقى لازم تعرف إن حبك الأول ده محكوم عليه بالفشل خاصة لو البنت من أهل الحسب والنسب، لأن أكيد هيكون فيه مشاكل كبيرة وكتيرة بينكم.. وفي الحالة دي هتكون صدمة كبيرة أوي خاصة لو حبيت بجد –اسألني أنا- وتبدأ تدور على حب جديد رغم إنك لم تنسَ القديم؛ ويمكن يظهر في حياتك أكتر من شخص بيحبك ومستعد يضحي معاك وعلشانك؛ لكن يظل في رأسك سؤال وحيييييييد
هل هاقدر أنسى حبي الأول وهل هاحب الشخص ده قد حبي الأول؟
في كل الأحوال لازم ناخد القرار بالابتعاد أو بالاستمرار.. ومش قاعدة طبعا إن الحب الأول لازم يفشل أو ينتهي لكن دلوقتي إحنا بنقدر الأسوأ
*******
لسه بابدأ حياتي
والأسوأ من ده أشكال كتير؛ يعني مثلاً لو حبك الأول فشل بسبب الظروف والأحوال المادية وهذا هو الغالب والشائع يبقى في الحالة دي لازم تقرر إنك تكون أحسن وتجتهد، وده بجد مش تمثيل يعني التصميم والإرادة.. انحت في الصخر علشان توصل لحاجة كويسة ومشرفة ومش شرط تنسى الحب الأول يمكن يكون لسه فيه نصيب ترجعوا لبعض تاني.. ولو كانت من نصيب حد تاني في الحالة دي لازم تدور على حد مناسب يكون بيحبك وانت كمان تقدر تقدم له الحب اللي عندك والحب الأول هيبقى ذكريات جميلة.. بس اوعى تقع في نفس الخطأ الأولاني يعني لازم تدخل الموضوع وأنت واثق من نفسك ومن قدراتك ولو لسه مش جاهز أجل شوية موضوع الارتباط ده
*******
اللي يبيعك بيعه
الحالة التانية لما طرف من الطرفين ينهي العلاقة لأن فيه حد مناسب ظهر في حياته أو الأهل اختاروا له شخص آخر والكلام اللي بيحصل ده يعني فيه شخص مناسب وجاهز مادياً واجتماعيا ومش قادرة أقاوم أهلي.. في الحالة دي يبقى لا أهلي ولا زمالك حتى ومن اللحظة دي تقرر إنك تنسى الحب الأول لأنه أكيد مش حب.. وأكيد أكيد هتلاقي الشخص المناسب واللي هتحبه ويحبك بجد وهيبقى ده الحب الأول فعلاً
في النهاية الطريق مفتوح والحب متاح ولكن القلب وما يريد.. المهم إننا نلاقي نفسنا والحب فعلاً يحتوينا ويستمر

من طرف **Sasso** الخميس 21 مايو - 16:38

يلا يا أعضاء أحلي منتدي عايزة أشوف الردود

كل اللي يدخل ويقرا الموضوع لازم تعلق عليه وتقولي رأيك وتعليقك ووجهة نظرك

الحب الأول مابيتنسيش.. بس أنا قررت أعيش

جملة حلوة قوى بس فى ناس مبتقدرش تطبقها
الحب الاول ده تجربة كلنا لازم نمر بيها فى ناس حظهم حلو و بيرتبطوا بحبهم الاول اللى بيبقى اسمى اشكال الحب لانك بتدى فيه من غير حدود ولا قيود و فى ناس تانية مبيقدروش يكملوه لظروفهم
كل دا قسمة و نصيب
لو كل واحد فينا امن بالجملة دى محدش هيتعب
بس فعلا الحب الاول مبيتنسيش بس بيفضل ذكرة جميلة لايام حلوة مرت علينا

ساسو تسلم ايدك
قلبتى علينا المواجع

من طرف زائر السبت 23 مايو - 3:35

احلى حب هو الاول لانه بيكون صافى اوى وغر سابق لاى تجارب

من طرف زائر السبت 23 مايو - 3:38

sarah ramdan كتب:احلى حب هو الاول لانه بيكون صافى اوى وغر سابق لاى تجارب

[img][/img]

من طرف **fofo light** السبت 23 مايو - 10:15

أه وأنتى مالك ومال فاطمة بس بتقلبى فى الدفاتر القديمة لييييييييييييييييه
وأسألك انتى طبعا أمال هسأل مييييييين يعنى
يس نسيتى تقولى حاجة اللى ينساك أنساه **واللى يهواك أهواه
أهوااااااااااااااااااااااه ياقلبى
تسلمى ياسسسسسسسسسسسسسسسو

من طرف **Sasso** الإثنين 25 مايو - 0:50

نسر وسارة وفوفو متشكرة ليكم جدا أنكم رديتوا

وفي أنتظار مشاركة باقي الأعضاء أنا عايزة أعرف رأيكم بجد

نسر أنا أسفة ما قصدتش أقلب عليك المواجع

فوفو أنا معاكي جداااااااااااااااااااااا في الموضوع ده اللي ينساك أنساه واللي يهواك اهواه

وأنا بطبيعتي كرامتي بتنقح عليا أوي دايما فلو حصل فيا حاجة زي دي أدوس علي اللي جابو قلبي بالدزمة عشان أنساه ولا أعبره

يلا بااااااااااااااااقي الأعضاء لاااااااااااااااااااااااازم ترد عايزة أشوف الآراء

من طرف **Sasso** الجمعة 5 يونيو - 7:27

في أنتظار ردودكم علي الموضوع ده ورأيكم في الحب الأول

من طرف **laila** الجمعة 5 يونيو - 19:32

وما الحب الا للحبيب الاول

وده لان احساس الحب بيكون نقى جدا وفيه عطاء من غير حدود
لكن لما ينتهى بتختلف
لو كان بجرح هيتنسى لكن الجرح هيفضل موجود
وللاسف لما بينتهى كده بيغيرنا من جوه
بيخلينا ناخد حذرنا فى الحب بعد كده ومش هنثق فيه بالساهل
بمعنى اصح هيخلينا نتعامل بـ
_ اللى اتلسع من الشوربه ينفخ فى الزبادى)

لكن لو انتهى من غير جرح يمكن يتنسى ويمكن لا
لو حب حقيقى هيبقى من الصعب النسيان
لكن لو مجرد اعجاب او حاجه بسيطه وراحه لحالها خلاص هيتنسى والحياه هتمشى عادى جدا

وفى النهايه اللى بيهواك اهواه واللى ينساك انساه * واللى يبيعك بيعه * ومن حبنا حبناه وصار متاعنا متاعه ومن كرهنا كرهناه ويحرم علينا اجتماعه

تسلمى يا ساسو على النقاش الرااااااائع

طبعا موضوع جميل ونقاش حلو اوى عن الحب الأول
ومش هأقدر أقول أكتر من اللي قالته لوشا
وصفت نهاية الحب الأول لأكتر من سبب

أصعب حاجة لما ينتهي الحب الأول بسبب الظروف
مش ضروري يكون اختلاف بالماديات
في أسباب كتير تانية
وفعلا بيبقى حب صادق ونقي لكن بينتهي للأسف

حقيقي موضوع جااااااامد جدا
تسلم إيدك يا ساسو

من طرف **Sasso** الأحد 7 يونيو - 17:47

لوشا ياقمر بشكرك علي أهتمامك بالرد علي الموضوع

حقيقي كلامك فعلا صح جدا وما أقدرش أضيف عليه حاجة تانية

ميرسي ياقمر نورتيني

من طرف **Sasso** الإثنين 8 يونيو - 16:55

بسبوسة نورتيني ياقمر ومرورك أسعدني جدا

الحب الأول موضوع هايعجبكم جدااااااااااااا ادخلوا وشوفوه

الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه

رد: الحب الأول موضوع هايعجبكم جدااااااااااااا ادخلوا وشوفوه