قيل لي .......!!محتاج رأيكم

من طرف **b7ar** الأربعاء 24 يونيو - 18:55

مش هاعمل زى ما كنتير بيعمل و يقول واحد صاحبي قالى انه كذا او ان واحدة قريبتى حصل معاها كذا و كذا و احكى اللى حصل معايا كأنه محكى لي من حد تانى لكن هاقول لكم ان دة كله حصل معايا و محتاج نصيحتكم
فى البداية افكركم ان المنتدى هنا بيتنا و زى نادى نتجمع فيه يعنى مش مقصود بيه شهرة و مكسب فطبيعى كل واحد يدخل يحكى و يفضفض و هاقولكم عاللى حصل و مستنى اسمعكم

فى البداية كان اول رأى فيا انى ما بحبش حد و انى ماببصش غير لمصلحتى و لهدف حاطه فى دماغى لو وصلت له خلاص يبقى كل اللى حوليا مالوش لا زمة و انى بجند و اوظف مشاعرى علشان اوصل لاغراض فى دماغى و انى ما بقدرش مشاعر حد او صداقة حد و يمكن في بينا حد كان شاهد عالكلام دة يوم ما اتقال و ماعلقش عليه وقتها لاسباب خاصه بيه ما احسبوش عليها المهم ان الكلام نفسه اتقال و دة كان اول اللى اتقال فيا

و نيجى لرأي تانى مختلف شويه عن دة و الرأى دة جى من صديق ليا رأيه كالتالى انى مش بحب حد يظهر غيري و انى ممكن ابيع اى صديق و اخسره لو اكتشفت انه ظهر و الناس حبته اكتر منى و يمكن كان رأيه بالظبط يقول "انتا مضايق منى و مش عاوز تكلمنى لما شوفت انى بقيت محبوب و الكل ملفوف حوليا و ماحدش بيديك اهتمام زى الاول" يعنى انا دايما باصاحب اللى اقل منى فى اى مستوى علشان افضل ظاهر و فجأة لما يكبر و يزيد تألقه عنى ابدأ اهدمه و ابعده عن طريقى او عالاقل اسيبه

نيجى لكمان رأي الرأي دة عجيب جدا جدا و هوه انى صوتى من دماغى و ممكن ادوس على كل اللى حوليا لو ماكانوش بيحققوا ليا هدف عاوز اوصل له و انى كمان لما بلاقى مشكلة بفضل الهروب و انى ابعد و مااواجهش اى حاجه و مايهمنيش مين يحصل له ايه المهم انى ابعد بنفسي وخلاص

دى تلات اراء اتقالت فيا فى فترة صغيرة فهل فعلا كلكم هنا كأصدقاء ليا شايفين فيا الحاجات دى مش هازعل لو الكل قال اه يمكن تكونوا سبب انى اغير نفسي و اكون احسن و يمكن تقدروا برأيكم تقتلوا الشخص الخاين اللى مالوش انه يكون له اصحاب اللى جوايا و يطلع بدل منه ح د كويس
مستنى اشوف رأيكم ايه

من طرف زائر الثلاثاء 7 يوليو - 5:50

من وجة نظرى انا هقول ان كل شخص له وجهة نظر خاصه بيه
ودى حريه ولما هو يعترفلك بيها ويقلهالك احسن مايخبى عليك
وممكن زى ما نته قلت الراى بتاعه ده تخده بعين الاعتبار وتحاول
الصفه دى حتى لو مش فيك وممكن يكون هو الكده مش انته
وغير ده ننساه خالص انته بتقول انته اتقال عنك اكتر من رائ
المهم دلوقت انته ايه شايف نفسك ايه هل انته فعلا كده ولا لا
حاسس انك عملت حاجه زعلتهم منك علشان كده قالو عنك كده
وانا شايف انك كاتب العنوان بتاع الموضوع قيل لى يعنى كلام
سمعته اتقال عنك ولازم تواجه وتتاكد من كل الاتقال وتشوف صح
ولا غلط مش ممكن القال لك كده هو البيدعى كده وميفش حاجه من الاصل
ولا انته شايف ايه

تايجر

المفروض ان اصحابك هما مرايتك اللى بتشوف فيها اخطاءك
انا عن نفسى من خلال التعامل هنا فى المنتدى شايف انك حد عادى جدا و كويس جدا
و مفيش حاجة من اللى اتقالت دى ظهرت فيك من خلال التعامل معايا او من خلال ردودك

بس على الطبيعة انا مش قابلتك ولا تعاملت معاك مباشرة فالحكم مش هيكون كامل

اصحابك اللى حواليك و بيتعاملوا معاك بشكل شخصى هم اكتر الناس على انهم يجاوبوك
و انت مع نفسك شايف ان انت كده ولا مختلف
المهم فى الاساس رايك انت
لو انت شايف انك غلط هيكون التغيير بجد و اسرع
و بعدين من خلال راى اصحابك اللى انت قولته
فى 3 اراء بيتفقوا على الاقل ان انت انانى
كلمهم تانى و اعرف منهم هما قالوا كده ليه و لو اقتنعت ابدا فورا فى التغيير انما لو لقيت كلامهم غير منطقى ابدا فكر هم ليه قالو كده و ايه غرضهم منه

ولك منى كل تقدير و احترام

قيل لي .......!!محتاج رأيكم

قيل لي .......!!محتاج رأيكم

رد: قيل لي .......!!محتاج رأيكم

رد: قيل لي .......!!محتاج رأيكم