كام نكتة عالسريع

من طرف **b7ar** الإثنين 26 أكتوبر - 7:37

**اتنين زهقوا من التأليس عليهم فسافروا الهند.أول مانزلوا من الطائرة
لقوا الهنود بينحنوا عشان يحيوهم فواحد منهم سأل الثاني هما بيحترمونا كدة
لية؟ قال له أصلهم هنا بيعبدوا البقر.

**مره ***** سرق فرخه وراح يكله على شط النيل فشافه عسكرى وقل له مسكتك
ياحرامى الفراخ ، والريش جنبك اهو ... فقال له الحرامى لا ياشويش دى نزلت
تستحمى وقالت لى خلى باللك من هدومى

**الراديو:والاعب بيشوط بمشط رجله يااااااااااه بتيجى في المقص صبي الحلاق:إلحق يا معلم بيلعبوا في العدة

**الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة

**صبى كسلان جدا شغال فى ورشة كل اما المعلم يقول له هات مفك ، يقول له
كمان شويه ...بكره ... مش وقته. ، وفى يوم لمبة الورشة اتحرقت ، المعلم
قاله ركب اللمبه قال له دى حاجة سهلة قوى ، وشاله المعلم على كتفة واستنى
دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه
ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم

**مرة اتنين أغبيه عندهم حصانين.. فكانوا عايزين يعلموهم علشان ما
يتلغبطوش بينهم .. الاول قطع اذن حصانه وراح قال للتاني ، فالتاني قاله
ااه يخرب بيتك انا بردك عملت كده.... فالاول راح فقع عين حصانه ، و راح
قال للتاني.... فالتاني قاله ااه يخرب بيتك انا بردك عملت كده.... فالاول
قاله انت هتصدعنى في دماغي... خدت انت الحصان الاسود وانا الحصان البيض

**واحد اسمة شلبى كان مسافر بلاد برة ، فراح محطة القطر وطبعا هناك النظام
آخر تمام ... فراح داخل فى مكنة التذاكر ، يحط ا الفلوس وتنزل له التذكرة
، فراح حط الفلوس والتذكرة نزلت له ، والمكنة راحت قايله مرحبا بالاستاذ
شلبى سوف تركب قطار رقم وسيصل الساعة الواحدة ، هوة سمع كدة فعجبته
الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد
اخر مرة حط الفلوس ، راحت المكنة قالت له الاستاذ شلبى فضل يستهبل لحد ما
القطر فاتة

**مرة إتنين مساطيل واحد بيقول التانى هما القدماء المصرين بنو الهرم فى
اد اية .... قالو 50 سنة ...قالو يا لية ؟؟ قالو اصل كل ما يرصوا حجرين
الحكومة تكبس عليهم

**كمبيوتر قال لكمبيوتر انتى طالق ..... قالت يالهوى والسى دى اللى فى بطنى

**واحد غبى ... حط إيده في جردل فيه مية نار .... فحس ان صباع من اصابعه ناقصة .. فحط رأسه في الجردل عشان يدور عليه

ههههههههههه

جامدين جدا يا ماو

الله عليك

تسلملى

من طرف **PrInCeSs** السبت 6 فبراير - 4:52

نكت جميله وانا اضيف كام نكته ويارب تعجبكم

واحده بتقول لجارتها :اخبار جوزك ايه؟
قالتلها :راح يجيب بطاطس ضربته عربيه ومات
قالتها : وعمتلى ايه؟
قالتلها: مفيش اتصرفت وعملت فاصوليا

قط مسطول ماشى يقول الله يقطع الحشيش وسنينه هى نياو لا مياو .....؟

واحد ماشى ورا واحده قله الحلوه وراها مشوار قالت له لا وراها حمار

من طرف **b7ar** السبت 6 فبراير - 20:15

لوشا لهو برنسيس منورين الموضوع
ويا رب دايما مع بعض
و تمام التمام النكت برنسيس دة المواهب كتير بقى

من طرف **PrInCeSs** السبت 6 فبراير - 20:29

دا اكيدفى مواهب كتير
وفى نكت اكتر بس المشكله فى الكيبورد عندى عقدنى
اول ما اجيب وحد تانى هبعتلكم الباقى
سلاموووووووووووووز

طب يلا صلحيها او حوشي من مصروفك و يلا ادينا كمان و كمان

احوش من مصروف
ولا من المرتب اللى هو بيتصرف قبل ما يجى كام نكتة عالسريع 291968

خلاص خلاص انا هاكلم الناس هنا يموا لك و نجيب لك كارت شحن موبايل و نديكى رقمه
وانتى انزلى اقفلي و حولي رصيد للناس و تكسبي اكتر
علشان طبعا مش هنعرف نديكى الفلوس