خلع الزوجة حذاء زوجها ( مذله ام تدليل ) ؟

الموضوع دا شدنى بجد واحب اشوف رايكم فيه

بسم الله الرحمن الرحيم

.
..|| ســــــــؤال ||..

خلع الزوجة حذاء زوجها .. مذلة أم تدليل ؟

في الماضي الزوجات في معظمهن يقمن بفعل بعض الأمور لأزواجهن
كأن يخلعن حذاءه وجواربه
ويغسلن أقدامه
وبعض الأمور الأخرى التي لم تعد تحدث مع نساء الوقت الحالي

هل تقبلي أن تقومي بغسل قدمي زوجك أو خلع حذاءه ...ولماذا؟.

من حسن الحظ وجود موضوع معاكس تماما لكن لتوحيد النقاش نطرحه هنا
إغسل قدم عروسك

من طرف **laila** السبت 31 أكتوبر - 1:33

بالنسبة ليا ده بيتوقف على شخصيته
هل هيفهما حب وتدليل
ولا ضعف منى

حسب شخصيتى أحب أعمل كل حاجه بحب
وتتفهم انها بحب
لكن لو اتفهمت ضعف
بقلب

ههههههههههه

كلامك جميل يا لوشا

ورأى سليم

فعلا لو هتبان بحب وتدليل بعد تعبة طول اليوم تبقى جميلة

لكن لو هتتفهم بالضعف يبقا بلاش

هنشوف رأى بقيت الأعضاء

من طرف **Sasso** السبت 31 أكتوبر - 18:19

أنا مع لوشا جدا

يعني أنا معنديش مانع أعمل ده وأكتر لكن الأهم إنها تتفهم حب وتدليل

ولكن مش إني بذل نفسي ليه ودي أهم حاجة

لأن مش عيب إن الزوجة تبقي لزوجها كل حاجة طالما في حب بينهم وتفاهم

من طرف **laila** الإثنين 2 نوفمبر - 2:03

معلش يا لهو جيت تانى
بس لقيت موضوع حلو قوى
لتايجر
فى كلام عكس كلامك هنا
حبيت الموضوعين يكملوا بعض
ونوسع مجال النقاش فيهم

إغسل قدم عروسك

شكرا كتير لمرورك يا ساسو

ورأيك سليم جدا

اكيد رأى مع لوشا وساسو جداااا

بس ليا اضافة بسيطة

انا فى مفهومى عن الزواج انه بيتبنى عن حب واى شىء غير كده مابيقنعنيش والانسان لو حب بجد لايمكن يذل حبيبه واكيد اى تصرف حيكون بحب وحنان وحيتفهم بحب برضه

يعنى الست تغسل رجل جوزها او العكس مش مهم

ده رأى ولسة مش قريت موضوع تايجر لكن اكيد رأى مش حيختلف وحشوف موضوع تايجر واقولك

من طرف **Sasso** الإثنين 2 نوفمبر - 18:04

عندك حق جدا ياسارة وكلامك مظبوط

طول ما البيت أتبني عن حب وحنان استحالة أي تصرف يتفهم

بأنه ضعف أو ذل أو كده

لأن الطبيعي أن الزوج والزوجة يقدروا أن أي تصرف من الطرف التاني ده لحب الطرف ده

من طرف **laila** الإثنين 2 نوفمبر - 19:55

وانا معاكوا
ومع تايجر واللهو لان الموضوعين بيكملوا بعض
واللى 2 بيدعو للحب والحنان بين الزوجين
ولما الرسول عليه الصلاه والسلام
يأمر الزوج بكده
يبقى الزوجة لو عملت ده مفيش فيه اى مذله
بس للاسف الغالب بيفهم العكس
سواء الزوج او الزوجة
وبتطلع عقده الرجل الشرقى
لايمكن اعمل كده علشان كرامتى
وهى كمان تقول كرامك بكرامه ولازم احافظ انا كمان على كرامتى

ربنا يهدى الجميع للى فيه الخير لانفسهم

شكرا كتير ليكم يا احلى اعضاء

لوشا وساسو وسارة وتايجر

انا مش كنت متوقع ان الموضوع هيتم النقاض فية كدة

بجد فرحت جدا انى قدرت افتح موضوع للنقاس بينا

وفرحت اكتر لما لقيت اننا كلنا تقريبا متفقين فى الرأى

شكرا كتير ليكم

ولمشاركتكم