ذكريات الفلانتاين" كله يدخل يكتب

هوا انت كدا اعترفت لووووووووووووووول


انا هوريك الاعترافات على حق


بكل شجاعه و صدق الفالنتين ليه معايا ذكرى زى الزفت

14/2/2006


يوم مش لطيف فى حياتى

كنت اعيش اجمل و ارق قصه حب ممكن تكون بين 2
حاجه لا توصف

و فى اليوم دا قابلت الانسانه اللى كنت و انا بقول كنت بحبها كالعاده
و قضينا اليوم سوا و زى الفل حاجه اخر جمال و روحنا حوالى الساعه 4 العصر

الساعه 9 لقيت صاحبى الانتين اللى كان جارها بيتصل بيا و بيقولى حاجه متوقعتهاش خالص

لقيته بيبلغنى انها دلوقتى بتنخطب

بتنخطب

كانت معايا لحد الساعه 4 و روحت تنخطب
شوفتو الهنا اللى انا فيه


قمت طبعا زى المجنون و روحتله اشوف فى ايه

لقيته بيتكلم جد و فعلا هى بتنخطب

ساعتها مشفتش حاجه
اول مره اعيط قدام حد

بس الحمد لله دا كان اكتر من اخويا

خدنى فى حضنه و قالى تعالى نطلع و نعرفها قيمتها

طلعت معاه و وقفت بعيد لقيتها عادى جدا و بتضحك و فرحانه و قامت ترقص ممع قرايبها

ساعتها بس حسيت ان 3 سنين من عمرى ضاعوا منى على حد ميستهلش

رحت داخل مسلم على العريس و بايسه و قايل له الف مبروك و رحت مسلم عليها و قلتلها الف مبروك
و نزلت بسرعه عشان ادارى دمعه كرهتها و هى نازله من عينى
حسيت انى اتسرقت

بعد ما نزلت خدنى صحبى و حضنى جامد اوى و قالى كلمه عمرى ما هنساها
سيبها لله و اوعى تبص وراك
و خدنى و دخلنا الجامع و قضينا فيه بقيت الليل لحد الفجر

و من يومها باقضى الفالنتين لوحدى او مع اصحابى

تايجر باشا

يتهيا لى لو لسه فاكر و حاطط فى نفسى كنت هاتاخر كتير
الموضوع خد وقته و راح لحاله

اوعى تبص وراك

اللى جاى احلى باذن الله