ايهما اخطر الفراغ ام الوحدة ؟؟؟؟؟

اشكركم يااصحابى على رايكم الجميل

واسمحولى اعرض رأى فى الموضوع واشوف ارائكم تانى

بس انا راى طويل شوية

استحملونى




انا اعتقد ان الفراغ اخطر من الوحدة

وان الفراغ هو السبب الرئيسى للشعور بالوحدة

ازاى ؟؟؟

تعالو نتخيل شخص معين عايش فى وحدة حقيقية

مالوش اصحاب وعايش بعيد عن اهله وكل حياته فاضية من حواليه

الانسان ده بيشتغل ويخلص شغله يطلع مثلا على عمل تطوعى ومن مكان لمكان

وعنده اشياء مهمة فى حياته وعنده هدف بيسعى لتحقيقه

الانسان ده بيتمنى انه يلاقى وقت فراغ ينام فيه بس ويرتاح علشان يقدر يستمر فى نشطاته المختلفة

فى رأى ده انسان ناجح عرف يستثمر وقته وبالتالى لم يعانى من الوحدة رغم وجودها بحياته


تعالوا بقى ناخد المثال التانى

انسان حواليه اهله واصحابه وحبايبه

لكن هو ماعندهوش اى اهداف يسعى لتحقيقها ولا عنده نشاط معين بيقوم بيه

اكيد اكيد الانسان ده حيحس بالملل والوحدة الشديدة

لانه بيفكر فيها طول الليل والنهار لان ماعندهوش حاجة تانية يبفكر فيها

ده انسان مستسلم للفراغ وبيفرض على نفسه الوحده الاجبارية



يبقى مين اخطر ؟؟؟


تعالوا نشوف رأى سيدنا عمرو رضى الله عنه وارضاه

قال سيدنا عمر- رضي الله عنه – " إن الله خلق الأيدي لتعمل فإذا لم تجد في طاعة عملا التمست في المعصية أعمالا فأشغلها بالطاعة قبل أن تشغلك في المعصية "


وكمان تعالوا نشوف راى رسولنا الحبيب سيدنا محمد صلى الله عليه وسلم

فقال صلى الله عليه وسلم :
" اغتنم خمسا قبل خمس ومنها فراغك قبل شغلك وشبابك قبل هرمك "