يوم اليتيم مع أم ضد؟

من طرف **laila** السبت 3 أبريل - 20:02

امبارح زى ما كلنا عارفين كان يوم اليتيم

وعارفين كمان ان الدولة مخصصه يوم معين فى السنه
علشان نتقرب منهم ونعطف عليهم

السؤال هنا هل ده صح؟
هل انا كده بسعده فعلا؟
ولا بتكون سعاده مؤقته بيروح وقتها وبتقى ذكرى
ذكرى حلوة انه سمع كلمه حنان من شخص ما
او حس بلمسه عطف وحنان
او خد حاجات حلوة وبلونات وسمع اغانى ولعب

اعتقد ان اليوم ده مخصص لكده وبس
اسعده ولو بصورة مؤقته

لكن من وجه نظرى اليوم ده خطييييييييير جدا
واضراره اكتر بكتيييييييييير من نفعه

هل الطفل هيكتفى انه يحس بالحنان من احد الامهات وبعد ساعات تسيبه وتمشى ويفضل محروم من الاحساس ده لمده كبيره
ولا الموضوع هيوسع منه للحقد على ابن الام دى انه حاسس بحنانها وهو لا
الحقد على كل من لديه اب وام

بلاش دى

المفروض اى تربيه بتقوم على تأسيس شخصيه سويه
تنميه مهارات فى كافه المجالات والتأكيد على حب الاخرين والتعاون وكل الحاجات الحلوة دى

لما انا اعمل لليتيم احتفال صاخب واقوله اليوم يومك
هزرع جواه احساس انه اقل من البشر
وانه كائن يستحق الشفقه والعطف
هنزع منه حته الاعتزاز بالنفس
هخليه يبص لنفسه انه اقل من الناس فى كل حاجه
هيحس بالنقص والدونيه
وتبعا لشخصيه كل واحد فيهم هيتكون جواه حسد وغيره وحقد وحاجات كتير وحشه

مش بقول بلاش نعطف عليهم
بس نخلى العمليه من تحت لتحت
من غير ما اقوله شوف انا واخد بالى منك وبعطف عليك ادام الكل وفى يوم مخصوص ليك
التبرعات اللى بتروح ليهم فى اليوم ده
ممكن تروح على مدار السنه
مش لازم يوم معين
ممكن دار الايتام يعمل ليهم حفله كل شهر مثلا
بينهم وبين بعض
هيفرحوا ويسعدوا وكل حاجه من غير ما اغرس جواهم نبته حقد او غيرة او شعور بالنقص

دى وجهة نظرى فى اليوم ده
ياترى ايه رأيكوا يوم اليتيم مع أم ضد؟ Icon_question

مستنياه